Geïnspireer deur Madhur Jaffrey’s Ultimate Curry Bible se Prawn Green Curry resep. Bedien so 4 mense.

small_0001.jpg

400 ml blikkie kokosneut melk (laat staan vir ten minste 3 uur, skep die dik room bo-op af en hou apart)
grondboontjie-olie
groen kerrie pasta (2 eetlepels as jou gaste dink Nando’s Mild is te warm, 5 as jy gewoonlik vra vir “Thai hot” by jou gunsteling Thai restaurant)
1.5 eetlepels Thai vissous (nam pla)
1 klein suurlemoen se sap
1 teelepel bruinsuiker
400g garnale, skoongemaak, sonder dop
150g swaardvis, of enige ander ferm vis
8 – 10 mossels in die half skulp
1 teelepel gerasperde suurlemoenskil
vars kruie uit die tuin (basiliekruid en koljander werk goed)

small_0002.jpg

Verhit so 3 eetlepels olie in ‘n pan op medium hitte, en voeg die kerrie pasta en dik kokosroom by. Braai tot die olie begin skei. Verlaag die temperatuur na laag, voeg die nam pla, suurlemoensap, suiker en ‘n halwe koppie water by. Roer en laat prut onder ‘n deksel vir 5 minute op baie lae hitte. Roer die oorblywende kokosmelk by. Proe of die balans van suiker, nam pla en suurlemoensap reg is en voeg by soos nodig.
small_0008.jpg

Maak die vis vooraf gaar (4 minute in ‘n mikrogolfoond op hoog werk goed). Voeg al die seekos by die sous in die pan, en prut vir 5 minute onder ‘n deksel, tot die garnale gaar lyk.

small_0006.jpg

Voeg die vars kruie by net voor dit bedien word.

small_0007.jpg

Bedien op rys met ‘n yskoue witwyn, dit help vir die brand.