Die vloed van vonkpos wat ek deesdae kry met “interessante feite” het my laat besluit om gereeld ‘n nuttelose feit hier te publiseer. Vandag is die oewerkonyn aan die beurt:

Die oewerkonyn (riverine rabbit in engels) is een van die mees bedreigde soogdier spesies in die wêreld. Dit kom net in ‘n klein area in die Noord-Kaap voor, langs die oewers van die Sakrivier (wat toevallig deur my skoonpa se plaas loop). Oewerkonyne word deesdae as “critically endangered” geklassifiseer. Lees meer van die oewerkonyn op wikipedia, en by die Riverine Rabbit Conservation Project.

Ons gaan die naweek kuier op die plaas, en ek vat my haelgeweer saam, so ek sal laat weet of die oewerkonyn nie dalk as uitgesterf moet geklasifiseer word na die naweek nie.